ໂຄງການ ລະດົມທຶນຊ່ວຍເຫຼືອປຸກສ້າງຫໍພັກນັກຮຽນ ແລະ ສະໂມສອນ ໂຮງຮຽນມັດທະຍົມສົມບູນໂພໄຊ ບ້ານສອກ ເມືອງສາມັກຄີໄຊ ແຂວງອັດຕະປື, ໂຮງຮຽນຫຼັງດັ່ງກ່າວຫ່າງໄກຈາກເທດສະບານແຂວງປະມານ 31 ກມ ໂດຍຈຸດປະສົງໃນການເປີດແມ່ນເພື່ອ ເພື່ອສົມທົບເຂົ້າໃນການປັບປຸງສ້ອມແປງ ຫໍພັກນັກຮຽນ ແລະ ສະໂມສອນຂອງໂຮງຮຽນມັດທະຍົມສົມບູນ ໂພນໄຊ ເມືອງ ສາມັກຄີໄຊ ແຂວງ ອັດຕະປື ຈໍານວນ 01 ຫຼັງ (03 ຫ້ອງ) ລວມມູນຄ່າກໍ່ສ້າງທັງໝົດ 90.074.750 ກີບ. ຈາກເດີມອາຄານຫຼັງດັ່ງກ່າວແມ່ນເປັນແຄັມຈີນທີ່ມາເຮັດທາງ ພາຍຫຼັງເຮັດແລ້ວໄດ້ແລ້ວຖືກສົ່ງມອບຕໍ່ໃຫ້ເປັນຫໍພັກຂອງໂຮງຮຽນ ເພື່ອໃຫ້ຄູອາຈານ ແລະ ນັກຮຽນທີ່ມາຈາກບ່ອນຫ່າງໄກໄດ້ພັກເຊົາ ເຊິ່ງສະພາບໂດຍລວມແມ່ນຍັງແຕ່ ຝາ ແລະ ພື້ນ ທີ່ຍັງນໍາໃຊ້ໄດ້, ເນື່ອງຈາກສະພາບຂອງອາຄານໄດ້ເປ່ເພພໍສົມຄວນຈຶ່ງໄດ້ຢຸດໃຊ້ງານມາ 2 ປີກວ່າແລ້ວ, ສ່ວນຄູອາຈານ ແລະ ນັກຮຽນທີ່ເຄີຍພັກເຊົາຢູ່ທີ່ນັ້ນ ບາງຄົນກໍໄດ້ໄປອາໄສຢູ່ນໍາເຮືືອນພີ່ນ້ອງປະຊາຊົນທີ່ຢູ່ໄກ້ຄຽງ ບາງກຸ່ມກໍໄດ້ທຽວ ໄປ-ກັບ ເຊິ່ງເປັນໄລຍະທາງທີ່ໄກພໍສົມຄວນ

ຄ່າໃຊ້ຈ່າຍ: ວຽກໂຄງຫຼັງຄາ 34,904,000

ວຽກຕິດຕັ້ງ 8,600,000

ວຽກສີ 3,745,000

ວຽກເຟີນີເຈີ້ 12,000,000

ຄ່າຂົນສົ່ງ 2,500,000

ວຽກທຸບມ້າງ ແລະ ອະນາໄມ 12,980,000

ຄ່າແຮງວຽກໂຄງຫຼັງຄາ 9,290,750

ຄ່າແຮງວຽກຕິດຕັ້ງ 3,275,000

ຄ່າແຮງວຽກສີ 2,780,000

ລວມ: 90,074,750 ກີບ